ஓம் விராட் விஸ்வப்ரம்மனே நம: 'நக்கீரர்'.

ஓம் விராட் விஸ்வப்ரம்மனே நம:
'நக்கீரர்'.

கி.பி 175ம் ஆண்டில் தமிழ்நாட்டில் மதுரையில் விஸ்வப்ரம்ம குலத்தில் சுபர்ணஸரிஷி கோத்திரத்தில் எண், எழுத்து, பஞ்சாங்கம், ஐந்திலக்கணம், நீதி, போன்றவைகளை இயல்பாகவே உணர்ந்து சொல்லி கணக்காயராக இருந்த விஸ்வப்ரம்ம தம்பதிகளுக்கு மகனாகப்பிறந்தார். அவர் படிப்பை முடித்து குலத்தொழில் பொற்பணியும், தச்சுத்தொழில் செய்துமம் பெரும் புலவராகவும் திகழ்ந்தார்.
செம்பமாறன் என்னும் சூடாமணிப் பண்டிதன் அரசின் தமிழ்ச்சங்கத்தின் தலைவராகவிருந்து தமிழ் திறமைமிக்க புலவர்களை ஊக்கப்படுத்தியும் திறமையற்றவர்களை சீர்ப்படுத்தியும் தமிழை வளர்த்தார். பாண்டிய மன்னனுக்கு மகிழ்ச்சி தரும் வகையில் பெண்களின் கூர்தலுக்கு மணம் உண்டு எனப் பாட்டிசைக்க அதில் உள்ள குறையைச் சுட்டிக்காட்டிய போது தொழில் திறமை இல்லாமல் சிவனார் வேடத்தில் வரும் நக்கீரரைப்பார்த்து புலவர்கருத்தை விட்டு விலகி
'அங்கங் குலுங்க அரிவாளில் நெய் தடவி
பங்கப்பட இரண்டு கால் பரப்பி – சங்கதனைக்
கீர்கீர் என அறுக்கும் சீரனோ என் கவியைப்
பாரீல் பழதென்பவன்'
சாதியைப்பற்றி இழிவாகச் சொன்ன போது
'சங்கறுப்பது என் குலமே தம்பிரானுக்கேது குலம்
பங்கமறச் சொன்னாற் பழதாமே – சங்கை
அரித்துண்டு வாழ்வோர் அரனாரைப் போல
இரந்துண்டு வாழ்வது இல்லை' என விளக்கம் கூறி றேர்மையை நிலை நாட்டினார். நக்கீரர்.
நக்கீரர் நேர்மைக்கு உவமை காட்டிப் பேசும் போது இவர் நக்கீரர் என்றும் இவர் நக்கீரர் பரம்பரை என்றும் சொல்வதை காணலாம். இவர் இயற்றிய திருமுருகாற்றுப்படை, நெடுநல்வாடை, பத்துப்பாட்டு போன்ற நூல்களில் பல பாடல்கள் இடம் பெற்றுள்ளன எட்டுத்தொகை நூல்களிலும் தனிப்பாடல்கள் பல இயற்றியுள்ளார்.
இவருடைய பாடல்களில் உலகியல், நாட்டுநடப்பு, மன்னனின்சிறப்பு, நாடகக்கலை, கட்டடக்கலை, போன்ற மனிதனுக்கு தேவையான பல சிறப்புக்களைக் கொண்டதாக உள்ளது. இவர் நாயன்மார்கள் ஆறுபத்தி முவரில் ஒருவராவார்.
இவ்வாறு சிறப்பு மிக்க நக்கீரரை பலர் ஆய்வு செய்துள்ளனர். அவர்களுள் 1983 ம் ஆண்டில் சேலம் டாக்டர் மு.பெ.ரி.மு இராமசாமி அவர்கள் நக்கீரர் ஓர் ஆய்வு என்ற நூலைத் திறம்பட எழுதியுள்ளார். இன்நூலை பாரி நிலையம் வெளியீடு செய்துள்ளது.